អំពីយើង

អំពីឥណទានពលរដ្ឋរុងរឿង

គ្រឹះស្ថានឥណទានពលរដ្ឋរុងរឿង អិលធីឌី ត្រូវបានបង្កើតឡើងដោយភាគទុនិក ២ រូប គឺ លោកឧកញ៉ា ភួ ពុយ និងលោកស្រី ហៅ ស៊ីមន ក្នុងឆ្នាំ ២០០៣។ វាជាផ្នែក ឥណទានមួយដែលត្រូវបានបង្កើតឡើងដោយសម្ព័ន្ធ​សមាគម​​​​ម៉ាស៊ីនកិនស្រូវ កម្ពុជា ដើម្បីជួយសម្របសម្រួលនិងកាត់បន្ថយនូវឧបសគ្គផ្នែកដើមទុន​របស់​សហគ្រិនម៉ាស៊ីន កិន​ស្រូវ។ នាខែ មករា ឆ្នាំ ២០០៥ អង្គភាពត្រូវបានចុះបញ្ជីជា​មួយ ធនាគារជាតិនៃ កម្ពុជា ដោយក្លាយខ្លួនជាប្រតិ​បត្តិការឥណទានជនបទមួយ។ នៅក្នុងឆ្នាំដដែលនាខែ កក្កដា អង្គភាពបាន​ប្រែក្លាយ​ជាក្រុមហ៊ុនឯកជន​ទទួលខុសត្រូវមានកម្រិតដោយបាន ចុះបញ្ជីជាផ្លូវការនៅក្រសួងពាណិជ្ជកម្មកម្ពុជា ដោយ​ដាក់ឈ្មោះថា ឥណទានពលរដ្ឋ​ រុងរឿងអិលធីឌី ដែលមានលេខ​រៀង​ចុះបញ្ជីលេខ Co.7896/05P។
គ្រឹះស្ថាន​ឥណទានពលរដ្ឋរុងរឿងអិលធីឌី បានទទួល​អាជ្ញាប័ណ្ណលេខ មហ ០១៤ ជាគ្រឹះស្ថានមីក្រូហិរញ្ញវត្ថុពី​ធនាគារជាតិនៃកម្ពុជានៅខែ សីហា ឆ្នាំ ២០០៥។ ដោយ សារស្ថានភាពមូលនិធិនៃម៉ាស៊ីនកិនស្រូវល្អ​ប្រសើរ​ជាលំដាប់គ្រឹះស្ថានបានប្តូរការយក​ ចិត្តទុកដាក់ដោយងាកទៅរកកសិកម្មខ្នាតតូច និងមធ្យមវិញ។ នៅក្នុងឆ្នាំ ២០០៨ អជ្ញា ប័ណ្ណគ្រឹះស្ថានមីក្រូហិរញ្ញវត្ថុត្រូវបានសិទ្ធិបន្ត​ជាអចិន្ត្រៃ​​ដោយ​ធនាគារជាតិនៃកម្ពុជា។ នៅក្នុងខែ កក្កដា ឆ្នាំ ២០១០ សិទ្ធិកាន់កាប់របស់គ្រឹះស្ថានត្រូវបានផ្លាស់ប្តូរដោយ លោកស្រី ហៅ ស៊ីមន បានបង្វែរភាគហ៊ុនរបស់គាត់ទាំងអស់នៅក្នុងគ្រឹះស្ថានទៅ​អោយលោកឧកញ៉ា ភួ ពុយ​​​​កាន់កាប់​ដោយពេញសិទ្ធិ។ នាថ្ងៃទី ៣១ ខែ ធ្នូ ឆ្នាំ ២០១០ Leopard Cambodia Fund​ ដែលជាមូលនិធិ​​ឯកជនមុនដំបូងគេនៅ​ប្រទេស​កម្ពុជា ដែលគ្រប់គ្រងដោយក្រុមមូលនិធិអន្តរជាតិរបស់ Leopard Capital L.P.​ បានកាន់ ​កាប់ភាគ​ហ៊ុន​មួយភាគតូចរបស់គ្រឹះស្ថានតាម​រយៈ​ក្រុមហ៊ុនមួយដែលបានចុះបញ្ជីនៅ​ ទីក្រុងហុងកុងដែលមានឈ្មោះថា IPR (HK) Limited.។